Уручени награди за найлєпши роботи у рамикох проєкту „Афирмация мултикултурализма и толеранциї у Войводини”
У Жовтим салону Покраїнскей влади нєшка шветочно уручени награди за найлєпши роботи у рамикох двох конкурсох – за вибор подобовей роботи на тему „Символи Велькей ноци” и фотоґрафскей роботи на тему „Мултикултурална Вельконоцна винчованка”. На конкурс сцили вкупно 56 прияви з роботами.
„У сотруднїцтве зоз Форумом за едукацию, сотруднїцтво, афирмацию и потримовку гражданскому дружтву (ФЕСАП), конкурс зме розписали у фебруару того року. Число роботох хтори сцигли лєм потвердзує вельке интересованє школярох и образовних установох за тему мултикултурализма, толеранциї, етнїчного соживота, историї, традициї и обичайох на просторе нашей покраїни, алє и уметнїцку притоку нашей младей ґенерациї.” – гварела заменїца покраїнского секретара Сладяна Бурсач у своєй бешеди.
Награди уручела помоцнїца покраїнского секретара за национални меншини – национални заєднїци Милинка Хртян, вєдно зоз предсидательку Управного одбору ФЕСАП др Иду Кабок.
Список наградзених по конкурсох:
– за вибор подобовей роботи на тему „Символи Велькей ноци”:
• перша награда – Кристина Рамач, ОШ „Петро Кузмяк”, Руски Керестур;
• друга награда – Ивет Климо, ОШ „Петефи Шандор”, Бечей;
• треца награда – Исидора Рожа, ОШ „Йован Йованович Змай”, Суботица;
– за вибор фотоґрафскей роботи на тему „Мултикултурална Вельконоцна винчованка”:
• перша награда – Дора Ґужвань, ОШ „Йожеф Атила”, Купусина;
• друга награда – Корина Виґ, ОШ „Милош Црнянски”, Сербски Итебей;
• треца нагарада – Теолинда Ґлаваш, ОШ „Матия Ґубец”, Таванкут.
