Винчованка з нагоди школскей слави Святого Сави
Дороги просвитни роботнїки и школяре,
Нєшка означуєме вельке швето на чесц єдней зоз найвизначнєйших особох нашей историї – основоположнїка образованя, державносци и духовносци у Сербиї, першого архиепископа, законодавца и просвитителя.
Растко Неманїч, познати як Сава у монашеским живоце, бул визионер и снователь першого шпиталю на нашим подручу. Як енерґични державнїк и мудри совитнїк велїм царом и кральом своєй епохи, постал защитнїк шицких образовних институцийох.
Животне дїло Святого Сави ма винїмкову цивилизацийну вредносц – вон нє лєм же утвердзел основи правней и духовней системи нашей державносци, алє исту таку важну улогу мал и у розвою здравства и социялней помоци.
Тот дзень нагода огляднуц ше на посцигнути резултати, алє источашнє и роздумовац о будучносци. Упартосц у усовершованю нашей образовней системи то найлєпши способ предлужиц традицию яку нам зохабели нашо вельки предходнїки.
Зєдинєни зме у тей мисиї – школяре хтори ше рихтаю за нови спокуси и професоре хтори зоз любову преноша свойо знанє. Вєдно будуєме фундаменти будучносци зоз численима можлївосцами за шицких нас.
Буц просвитни роботнїк нє лєм професия, алє насампредз поволанка – мисия хтора формує младосц виволуюци и спонукуюци у нєй любов ґу знаню. Прето, най вас дїло Святого Сави инспирує так же бисце з лєгкосцу и любову робели свою чесну роботу: образованє нових ґенерацийох!
Щешлїви Дзень Сватого Сави!
Покраїнски секретар,
Роберт Отот