Медзинародни дзень людских правох
Медзинародни дзень людских правох у швеце ше означує 10. децембра – як здогадованє на датум кед 1948. року Ґенерална скупштина Зєдинєних анцийох прилапела Универзалну декларацию о людских правох. Декларация гвари же ше шицки людски єства народза шлєбодни и єднаки у достоїнству и правох хтори припадаю шицким, без огляду на расу, фарбу скори, пол, язик, виросповедз, политичне або друге прешвеченє, националне и дружтвене походзенє, маєток або гоч яку другу властивосц.
Седемдзешат роки по прилапйованю Универзалней декларациї о людских правох, 2018. року, на инициятиву Покраїнскей влади, Скупштина АП Войводини установела 10. децембер як датум од покраїнскей значносци. На тот способ покраїна додатно наглашела значносц того дня з чиїм означованьом ше визначує вредносци етнїчно, язично, културално и конфесийно богатей Войводини дзе ше заєднїцтво будовало и вибудовало праве на розличносцох шицких заєднїцох цо у нєй жию.
Почитованє людских правох потребне щициц и змоцньовац у каждей хвильки, на каждим месце, у каждей нагоди. Обовязка и одвичательносц шицких у Автономней покраїни Войводини и Републики Сербиї и на далєй предлужиц зоз справованьом и дїйствованьом з яким ше потримує єднакосц, ровноправносц и достоїнство, же би ше шицким гражданом оможлївела сиґурносц, защита и мирне уживанє їх людских правох.
Зоз таку одвичательносцу на розуме и зоз прешвеченьом же дух заєднїцтва, розличносци, ровноправносци, єднакосци и на далєй будземе пестовац и розвивац, винчуєме шицким Медзинародни дзень людских правох.
Покраїнски секретар,
Роберт Отот