Жужана Мацко, подсекретар Покраїнского секретарияту за образованє, предписаня, управу и национални меншини – национални заєднїци

Народзена є 1977. року у Бачкей Тополї. Основну школу закончела у Ґунарошу, а Штредню польопривредну школу на мадярским наставним язику у Бачкей Тополї.

Школованє предлужела на Филозофским факултету у Новим Садзе – Оддїл за мадярски язик и литературу, на хторим дипломовала и здобула професию професор мадярского язика и литератури. Од 2002. року є занята у Покраїнским секретарияту за образованє, дзе робела на питаньох хтори значни за образованє на язикох националних меншинох. 2017. року постава началнїк оддзелєня за витворйованє правох националних меншинох, а у исти час є и руководитель Оддзелєня за прекладательни роботи.
Тераз є на специялистичних студийох на Универзитету «Karoli Gašpar» у Будапешту, на програми Мадярски як страни язик.
Од 2002. року є член Союзу войводянских Мадярох.
Попри мадярского бешедує сербски и анґлийски язик.

Тат’яна Велькович, о.д. Помоцнїка покраїнского секретара за образованє

Народзена є 1973. року у Новим Садзе, дзе закончела Ґимназию «Светозар Маркович», а потим и основни студиї на Факултету за спорт и физичне воспитанє.

Од 1999. по 2019. рок роби як професорка физичного воспитаня у ОШ «Перша войводянска бриґада» у Новим Садзе, а у тим периодзе окончує и функцию помоцнїци директора у тирваню штири роки. Од 2019. по 2021. рок роби у Ґимназиї «Светозар Маркович» и Електротехнїчней школи «Михайло Пупин» у Новим Садзе. Од 2021. по 2024. рок була директорка Штреднєй школи «Лукиян Мушицки» у Темерину, а од юлия 2024. року окончує функцию помоцнїци покраїнского секретара за образованє.

Сладяна Йоветич, о.д. Пoмоцнїка покраїнского секретара за управу

Народзена є 1968. року у Бачкей Тополї. Дипломована є правнїца.
Од 1996. року є занята у орґанох управи АП Войводини, на рижних управних роботох. У периодзе од 2001. по 2016. рок, окончовала роботи секретарки Испитней комисиї за покладанє державного фахового испиту, секретарки Испитного одбору за покладанє правосудного испиту, як и секретарки Испитней комисиї за покладанє испитох за лиценцу наставнїкох, воспитачох и фахових сотруднїкох.

Наташа Мидич, о.д. Пoмоцнїка покраїнского секретара за предписаня

Народзена є 1992. року у Новим Садзе. По законченей Ґимназиї «Светозар Маркович» у тим городзе, уписує Факултет за применєну безпечносц у Сримскей Каменїци дзе закончує основни студиї.

Мултидисциплинарни мастер академски студиї Тероризем, орґанизовани криминал и безпечносц, при Универзитету у Беоґрадзе, успишно закончує 2020. року, после чого дальше образованє и усовершованє предлужує на докторских студийох политиколоґиї Факултету политичних наукох, Универзитету у Беоґрадзе. Шицки испити предвидзени зоз програму тих докторских студийох поклада зоз штредню оцену 9,60. Занїма ше з науковим виглєдованьом зоз обласци права и еколоґийней безпечносци и ма вецей обявени науково роботи.
Од януара 2017. по юлий 2024. року робела у Управи за капитални укладаня АП Войводини, а од юлия 2024. року окончує функцию помоцнїци покраїнского секретара за образованє, предписаня, управу и национални меншини – национални заєднїци. Бешедує по анґлийски.

Ливиа Корпонаи, о.д. Помоцнїка покраїнского секретара за материялно-финансийни роботи

Нродзена є 1983. року у Сенти. Економску штредню школу закончела у Бечею.
Дипломовала 2007. року на Економским факултету у Суботици, на напряме Финансиї и рахунководство. Дипломски академски – мастер студиї на студийней програми Рахунководство и ревизия закончела 2009. року на истим факултету.

По закончованю студийох, седем роки робела у приватним секторе на кнїжководительних и комерциялних роботох.
Од 2015. року була на функциї о.д. Помоцнїка покраїнского секретара за материялно-финансийни роботи.
У 2020. року є вибрана за посланїцу Скупштини Автономней Покраїни Войводини, дзе источасно була и заменїца предсидателя Одбору за административни и мандатни питаня.
Концом 2020. року знова є мeнована на функцию о.д. Помоцнїка покраїнского секретара за материялно-финансийни роботи.

Милинка Хртян, о.д. помоцнїка покраїнского секретара за национални меншини – национални заєднїци

Народзена є 1978. року у Новим Садзе.
Закончела штредню технїчну школу «Йован Вуканович» у Новим Садзе. Дипломовала на Академиї уметносцох, Факултету драмских уметносцох и бабкарства у Братислави (Словацка Република).

Значне искуство зоз обласци меншинских правох здобула як новинарка, редакторка и спикерка у меншинскей редакциї Радиодифузней установи Войводина.
Од 7. фебруара 2017. року, занята є у Влади АПВ, як помоцнїца покраїнского секретара за национални меншини – национални заєднїци и прекладательни роботи у Покраїнским секретарияту за образованє, предписаня, управу и национални меншини – национални заєднїци. Од 22. децембра 2023. року по 25. юний 2024. року робела як совитнїк – прекладателька за словацки язик у истим секретарияту. 29. марца 2018. року поставена є за стаємного судского прекладателя за словацки язик за подруче Висшого суда у Новим Садзе.
Закончела числени курси и оспособйованя, уключуюци и курс рахункарскей информатики за дїловних секретарох, основи новинарства за писани медиї, ТВ и радио, оспособйованє зоз основох за диґиталне знїманє и обробок звуку, семинар зоз обласци людских правох, витворйованя правох припаднїкох националних меншинох, зопераня злохаснованя на роботи – мобинґу, нащивйовала курси схопносци комуникациї, продуктивней схадзки, применьованя кодексу справованя службенїкох и намесценїкох, медийней писменосци и ришованя конфликтох, поставянє цильох, протоколу и явного наступу.
Бешедує чечно словацки и сербски язик, анґлийски и чески язик на штреднїм уровню, а нємецки язик хаснує пасивно.