Покладанє испиту за лиценцу за директора установи образованя и воспитаня
Покраїнски секретарият за образованє, предписаня, управу и национални меншини – национални заєднїци орґанизує покладанє испитох за лиценцу за директора установи образованя и воспитаня.
Испит за лиценцу за директора установи образованя и воспитаня ше поклада у складзе зоз Правилнїком о програми оспособйованя и покладаню испиту за лиценцу за директора установи образованя и воспитаня («Службени глашнїк РС», число 63/18).
Кандидат подноши Покраїнскому секретарияту за образованє, предписаня, управу и национални меншини – национални заєднїци Вимаганє за покладанє испиту за лиценцу за директора установи образованя и воспитаня Преузми (Документ моментално доступни лєм на сербским язику)
Ґу вимаганю ше подноши и тоту документацию:
1) За кандидатох хтори у моменту подношеня вимаганя окончую роботи директора установи:
1. потвердзенє о роботно-правним статусу;
2. уверенє о звладаней програми оспособйованя за директора;
3. фахову роботу о запровадзеним виглєдованю, яка облапя приказ методолоґиї, процесу, ключних резултатох виглєдованя и препорученя за унапредзованє образовно-воспитней, односно воспитно-образовней пракси, у друкованей форми и електронскей форми на компакт-диску або флеш мемориї;
4. доказ о уплацених трошкох за покладанє испиту за лиценцу.
2) За кандидатох хтори у моменту подношеня вимаганя нє окончую роботи директора установи:
1. потвердзенє о роботно-правним статусу;
2. уверенє о звладаней програми оспособйованя за директора у тирваню 13 дньох (два днї интерактивно и 11 днї ученя на далєко);
3. фахову роботу о запровадзеним виглєдованю, яка облапя приказ методолоґиї, процесу, ключних резултатох виглєдованя и препорученя за унапредзованє образовно-воспитней, односно воспитно-образовней пракси, у друкованей форми и форми и електронскей форми на компакт-диску або флеш-мемориї;
4. елаборат з приказом акцийного плану за унапредзованє роботи школи у обласци квалитету Орґанизация роботи школи, управянє з людскима и материялнима ресурсами, односно Управянє и орґанизация у предшколскей установи, у складзе зоз Правилнїком о стандардох квалитету роботи установи, у друкованей и електронскей форми на компакт-диску або флеш-мемориї;
5. доказ о уплацованю трошкох за покладанє испиту за лиценцу.
Вимаганє за покладанє испиту за лиценцу з провадзацу документацию можеце посилац на адресу:
Република Сербия; Автономна покраїна Войводина; Покраїнски секретарият за образованє, предписаня, управу и национални меншини – национални заєднїци; 21000 Нови Сад; Булевар Михайла Пупина ч. 16 – з назначеньом: За покладанє испиту за лиценцу за директора Информацию о термину покладаня испиту, за кандидатох хтори виполнюю условия за покладанє испиту за лиценцу за директора ше доручує найпознєйше 15 днї пред дньом яки одредзени за покладанє испиту.
Испит за лиценцу ше состої з трох, односно штирох часцох:
1) приказ фаховей роботи о виглєдованю образовно-воспитней, односно воспитно-образовней пракси, хтора облапя приказ методолоґиї, процесу, ключних резултатох виглєдованьох и препорученьох за унапредзованє образовно-воспитней, односно воспитно-образовней пракси;
2) преверйованє звладаносци стандардох компетециї за директора;
3) приказ змисту портфолиа кандидата, у друкованей або електронскей форми, хтори ма докази о професионалним розвою, посцигнутих резултатох и предходним професионалним искустве и
4) приказ елаборату и акцийного плану за унапредзованє роботи школи у обласци квалитету Орґанизация роботи школи, управянє з людскима и материялнима ресурсами, односно Управянє и орґанизация у предшколскей установи, за кандидатох хтори нє окончую роботи директора.
Кед кандидат зопарти приступиц ґу покладаню испиту за лиценцу, о тим информує Покраїнски секретарият найпознєйше 24 годзини пред початком испиту. Докази о оправданосци нєприступаню ґу испиту мож доручиц и додатно, а найпознєйше седем днї од дня кед заказани испит.
Трошки покладаня испиту за лиценцу зноши установа у хторей кандидат окончує роботи директора, а кандидат хтори нє окончує роботи директора – сам зноши трошки покладаня испиту за директора.
Трошки поправного испиту и повтореного покладаня испиту у цалосци, зноши сам кандидат.
Трошки покладаня испиту за лиценцу у суми 15.000,00 динари (за повторне покладанє: єдней часци испиту – 10.000,00; двох часцох испиту – 12.000,00; цалого испиту – 15.000,00), ше уплацує на:
• жиро рахунок число: 840-1572845-61;
• модел и поволанка на число: 97 900942774233162;
• Приматель: Буджет АП Войводини, Покраїнски секретарият за образованє, предписаня, управу и национални меншини – национални заєднїци;
• Наменка уплацованя: Надополнєнє трошкох за покладанє испиту за лиценцу за директорох.
Правилнїк о програми оспособйованя и покладаня испиту за лиценцу за директора установи образованя и воспитаня (« Службени глашнїк РС», число 77/24) Преузми (Документ моментално доступни лєм на сербским язику)
Шицки додатни информациї можеце достац од
Слободанки Станкович
(канцелария I/68, телефон: 021/487-42-26);
имейл: slobodanka.stankovic@vojvodina.gov.rs
Йовани Ґраховац Беґович
(канцелария: 68/I; тел. 021/487-4552)
e-mail: jovana.grahovac@vojvodina.gov.rs