Службени новини АПВ
Покраїнски секретарият за образованє, предписаня, управу и национални меншини – национални заєднїци видаватель „Службених новинох Автономней Покраїни Войводини“. Скупштина Автономней Покраїни Войводини, на схадзки хтора отримана 23. децембра 2014. року, принєсла Покраїнску скупштинску одлуку о обявйованю предписаньох и других актох. Зоз ступаньом на моц тей одлуки престала важиц Одлука о обявйованю одлукох и других актох орґанох Автономней Покраїни Войводини („Службени новини АПВ”, число 15/92).
У важацей одлуки утвердзене же ше Статут, покраїнски скупштински одлуки и други общи акти Скупштини Автономней Покраїни Войводини як и покраїнски уредби и други общи акти Покраїнскей влади обявює у „Службених новинох АПВ”, пред ступаньом на моц.
Акти Покраїнскей влади, окрем актох зоз пасуса 1. того члена, акти покраїнских орґанох управи и других орґанох и орґанизацийох ше обявює у „Службених новинох АПВ” кед тото з тима актами предвидзене.
„Службени новини АПВ” ше обявює на сербским язику и на кирилским писме и на мадярским, словацким, горватским, румунским и руским язику и писмох.
Випатрунок „Службених новинох АПВ“ ушорени зоз Правилнїком о випатрунку „Службених новинох Автономней Покраїни Войводини“.
Перши „Службени новини АПВ” обявени 1. мая 1945. року, на основи Одлуки о дочасовей орґанизациї и дїлокругу роботи Народноошлєбодительних одборох на териториї Войводини.