Штреднї школи у АП Войводини
По основним образованю, млади у АП Войводини маю на розполаганю ґимназиї, фахово школи, мишани школи, штреднї уметнїцки школи и штреднї школи за образованє школярох зоз завадзанями у розвою и инвалидитетом. Єст вкупно 119 рядово явни штреднї школи и 10 штреднї школи за школярох зоз завадзанями у розвою и инвалидитетом, у 40 локалних самоуправох.
У рамикох рядового штреднього образованя, наставу ше отримує на сербским, мадярским, словацким, румунским, руским и горватским язику. Зоз Законом о защити правох и шлєбодох националних меншинох, статус националней меншини витворюю и припаднїки ромскей националней меншини, алє настава на тим язику нє орґанизована у штреднїх школох на териториї АП Войводини. Настава на язикох националних меншинох орґанизована у 17 локалних самоуправох, односно у 41 штредней школи: у 8 ґимназийох, 24 фахових школох, 7 мишаних школох и у 2 уметнїцких школох.
У ґимназиї, хтора може буц обща и специялизована, здобува ше образованє за дальше школованє у високошколских установох хторе трива штири роки.
У фаховей школи ше здобува штреднє образованє за роботу и дальше школованє хторе тирва три, односно штири роки, а тиж мож здобуц и специялистичне и майсторске образованє хторе тирва єден до двох рокох и други форми фахового образованя: образованє за роботу хторе тирва два роки, фахове оспособйованє и обучованє хторе тирва єден рок. Настава у тих школох облапя и практичну роботу.
У штреднєй уметнїцкей школи ше здобува штреднє образованє за роботу и за дальше школованє хторе тирва штири роки, а до нєй ходза школяре хтори маю окремну притоку ґу музики, балету або подобовей обласци.
У мишаней школи, окрем ґимназийного образованя, орґанизоване и фахове або уметнїцке образованє. На таки способ зменшана потреба за формованьом видвоєних оддзелєньох матичних фахових школох, односно ґимназийох.
Штреднї школи за образованє школярох зоз завадзанями у розвою и инвалидитетом окончую дїялносц штреднього образованя хторе тирва два, три або штири роки у рамикох вецей подручох роботи и, насампредз, подрозумюю обучованє за окремни ремесла.
На териториї АП Войводини єст и 26 приватни штреднї школи за хтори Покраїнски секретарият за образованє, предписаня, управу и национални меншини – национални заєднїци утвердзел же виполнюю условия у поглядзе простору, опреми, наставних средствох и потребного числа наставнїкох, як и фахових сотруднїкох за початок роботи и окончованє дїялносци штреднього образованя и воспитаня.
Адресар явних и приватних штреднїх школох у АП Войводини Превежнї (Документ моментално доступни лєм на сербским язику)
Верификовани приватни штреднї школи у АП Войводини Превежнї (Документ моментално доступни лєм на сербским язику)
Правилнїк о вименки Правилнїка о школским календаре и календар за штреднї школи зоз шедзиском на териториї АПВ за школски 2024/2025. рок
Правилнїк о школским календаре и школски календар за штреднї школи зоз шедзиском на териториї АПВ за школски 2024/2025. рок
Правилнїк o вименки Правилнїка о школским календаре за штреднї школи зоз шедзиском на териториї АП Войводини за школски 2023/2024. рок
Правилнїк о школским календаре за штреднї школи зоз шедзиском на териториї автономней покраїни войводини за школски 2023/2024. рок
Школски календар за штреднї школи за школски 2023/24. рок
Правилнїк о школским календаре за штреднї школи у АПВ за 2022/2023
Правилнїк о вименки и дополнєню Правилнїка о школским календару за штреднї школи зоз шедзиском на териториї АП Войводини за школски 2021/2022. рок (23.03.2022.)
Правилнїк о школским календару и школски календар за штреднї школи зоз шедзиском на териториї АПВ за школски 2021/2022. рок
Правилнїк о школским календаре за штреднї школи у АПВ за 2020/2021
Вименка Правилнїка о школским календаре за штреднї школи у АПВ за 2020/2021
Школски календар за штреднї школи у АПВ за 2020/2021
Правилнїк о вименки и дополнєню Правилнїка о школским календару за штреднї школи зоз шедзиском на териториї АП Войводини за школски 2021/2022. рок (05.11.2021)