media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Даванє согласносци на хаснованє мена «Войводина»

Мено «Войводина» у своєй назви можу хасновац привредни дружтва, установи и здруженя (у дальшим тексту: орґанизациї) на таки способ же би ше з хаснованьом мена «Войводина» нє нарушовал угляд Автономней Покраїни Войводини.
Покраїнски секретарият за образованє, предписаня, управу и национални меншини – национални заєднїци дава согласносц на хаснованє мена «Войводина» орґанизацийом чия дїялносц у вязи з дїлокругом роботи Секретарияту як и другим орґанизацийом кед ше нє може утвердзиц хтори покраїнски орґан управи компетентни за даванє согласносци.

Вимаганє за согласносц на хаснованє мена «Войводина» ше подноши прейґ Покраїнского секретарияту за образованє, предписаня, управу и национални меншини – национални заєднїци. Вимаганє облапя: податки о подношительови, обгрунтованє вимаганя и документи хтори ше подноши ґу вимаганю. Вимаганє, з прилогами, мож придац особнє на писарнїци покраїнских орґанох; по пошти на адресу: Булевар Михайла Пупина 16, Нови Сад; на email адреси: tatjana.stojanov@ vojvodina.gov.rs и dijana.katona@vojvodina.gov.rs.
На видате ришенє ше плаци покраїнску административну таксу, у суми 365.170,00 динари.

• жиро рахунок число: 840-742231843-30;
• модел и поволанка на число: 97 142230942701;
• Приматель: Буджет АП Войводини, Покраїнски секретарият за образованє, предписаня, управу и национални меншини – национални заєднїци;
• Наменка уплацованя: видаванє ришеня
Хаснованє мена «Войводина», способ вимаганя согласносци и сума такси хтору ше плаци ушорени зоз:
1. Одлуку о хаснованю мена «Войводина» («Службени новини АПВ», число 10/05)
2. Покраїнску скупштинску одлуку о покраїнских административних таксох («Службени новини АПВ», число 40/19)

За шицки потребни информациї у вязи з даваньом согласносци на хаснованє мена «Войводина» можеце контактовац Тат̓яну Стоянов, висшу совитнїцу – руководителя Ґрупи за предписаня (канцелария I/63, телефон: 487-4685, tatjana.stojanov@ vojvodina.gov.rs) и Дияну Катона, висшу совитнїцу – началнїцу Оддзелєня за предписаня и роботи управи (канцелария I/63, телефон: 487-4427, dijana.katona@vojvodina.gov.rs).
Сектор за предписаня водзи евиденцию о согласносцох за хаснованє мена «Войводина» хтори дал Покраїнски секретарият за образованє, предписаня, управу и национални меншини – национални заєднїци.

22.11.2019