Винчованка з нагоди Медзинародного дня Ромох
Пред точно пол столїтия, 1971. року, у Лондону на тот дзень отримани Перши шветови конґрес Ромох. Исти тот дзень – осми април – Зєдинєни нациї преглашели за Шветови дзень Ромох. Од теди тирва и орґанизоване институционалне закладанє за злєпшанє животного положеня тей нєпоровнуюцей националней заєднїци хторей ше удало зачувац свой єдинствени вецейвиковни културни идентитет и попри факту же пребарз часто була виложена ґу дискриминациї и предрозсудком каждей файти. Як у швеце и Европи, так и у Сербиї а поготов у националней розличносци богатей Войводини – положенє Ромох постало єден з указательох ступня демократизациї дружтва и жаданей ровноправносци яку зме анї блїзко нє посцигли алє по хторей ше дошлїдно рушаме. Покраїнска влада – зоз спонукаюцу сотруднїцку улогу представительох Ромох, насампредз Националного совиту ромскей националней меншини и гражданских орґанизацийох – препознава потребу же би ше глас ромскей заєднїци чул у витворйованю їх интересох и заклада ше уключиц Ромох до шицких обласцох живота хтори у Войводини дзелїме и дружтва хторе шицки вєдно твориме. На концу, або лєпше – на початку, добре би було о вредносцох и значносци Ромох учиц з одношеня вельких войводянских писательох ґу нїм, наприклад Мирослава Антича и Стевана Пешича, хтори Ромох тримали за своїх духовних братох а хтори їх културу чувствовали як єден зоз сущних елементох войводянского идентитету. З истим чувством, цалей ромскей националней заєднїци щиро винчуєм осми април – Шветови дзень Ромох.
Покраїнски секретар,
Жолт Сакалаш