Мултикултурализем на клик
По запровадзеним Явним конкурсу за софинансованє подпроєкта «Мултикултурализем на клик», Покраїнски секретарият за образованє, предписанє, управу и национални меншини – национални заєднїци у сотруднїцтве зоз Форумом за едукацию, сотруднїцтво, афирмацию и потримовку гражданскому дружтву, Нови Сад у 2024. року реализовал 8 наградни конкурси за школярох штреднїх школох з АП Войводини.
Под конкурсами ше подрозумює анґажованє школярох и подношенє роботох у рижних формох виражаваня (видео-робота, фотоґрафия, литерарна форма, дизайн або подобова робота и инше) на задати теми у обласци мултикултурализма, етнїчней рижнородносци и културного идентитету националних заєднїцох у АП Войводини.
У рамикох наведзених темох, авторски материял би мал висловиц автентичне особне видзенє етнїчней рижнородносци або културни специфичносци етнїчних заєднїцох зоз АП Войводини.
Авторски материяли подношительох вреднує и оценює конкурсна комисия, хтора формована зоз представительох ФЕСАП, Секретарияту, представительох образовних установох и визначних поєдинцох з обласци теми конкурса, а авторох найлєпше ранґованих роботох ше наградзує з мултимедиялнима пошоренями.
Активносци у рамикох проєкту зоз скорейших фазох реализациї
Окрем наведзених, у рамикох проєкту реализовани велї подпроєкти и активносци:
• Спортски змаганя зоз додатнима змистами „Куп толеранциї”
• Музейна вистава „Родими край на Дунаю – соживот Нємцох и Сербох у Войводини”
• Музейна вистава „Жиц вєдно” – соживот Сербох и Мадярох – мобилна форма
• Конкурс за аматерску фотоґрафию „Богатство рижнородносци”
• „Вєдно” – документарни ТВ сериял
• Медийна кампаня – Мултикултурализем у АП Войводини
• Презентациї меншинских националних заєднїцох „Етно-дзень“
• Виглєдованє „Евалуация стану медзиетнїчних одношеньох при младих у АП Войводини“
Проєкт „Афирмация мултикултурализма и толеранциї у Войводини” то акция Покраїнскей влади хтора ма тирваци характер. Вивершна власц у покраїни препознала проблем и подняла потребни акциї и мири у форми того проєкту. Инициятива мушела почац од вивершней власци, алє основна идея, од самого початку реализациї тей акциї, же би проєктни активносци преросли до воспитно-образовного процесу чию ше реализацию у подполносци звери релевантним субєктом у АП Войводини.
З другого боку, єден з цильох тей акциї и тот же би ше стимуловало позитивни дружтвени тренд анґажованя шицких релевантних актерох на афирмованю и промоциї вредносцох од значносци за културни идентитет АП Войводини.
Контакт:
Боян Ґреґурич
Самостойни совитнїк за витворйованє ровноправносци националних меншинох – националних заєднїцох
email: bojan.greguric@vojvodina.gov.rs
021 487 4604