media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Испит за секретарох установох образованя и воспитаня

Покраїнски секретарият за образованє, предписаня, управу и национални меншини – национални заєднїци орґанизує покладанє фахового испиту за секретара установи образованя и воспитаня зоз шедзиском на териториї АП Войводини.

Фахови испит ше поклада у складзе зоз Правилнїком о покладаню фахового испиту за секретара установи образованя и воспитаня („Сл. глашнїк РС”, число 8/11).

Секретар-приправнїк ‒ хтори на основи звиту ментора звладал Програму уводзеня до роботи секретара ‒ здобува право покладац фахови испит.

Вимаганє за покладанє фахового испиту секретар-приправнїк подноши установи по законченим приправнїцким стажу и звладаней Програми уводзеня до роботи секретара.

Установа доручує прияву Покраїнскому секретарияту за образованє, предписаня, управу и национални меншини – национални заєднїци у чаше 15 дньох од дня єй подношеня, а ґу прияви ше доручує:
1. оверену копию дипломи;
2. потвердзенє директора же кандидат звладал Програму уводзеня до роботи секретара;
3. потвердзенє о роботноправним статусу;
4. копию особней леґитимациї кандидата;
5. копию роботней кнїжочки кандидата;
6. доказ о уплацованю трошкох за испит.

Трошки за перше покладанє фахового испиту за секретара, як и трошки за поправни испит, зноши установа у хторей кандидат заняти, а трошки за повторне покладанє зноши кандидат.

Суму 10.000,00 динари ше уплацує на:
• Жиро рахунок число: 840-742331843-51
• Модел и поволанка на число: 97 962238025161
• Приматель: Буджет АП Войводини, Покраїнски секретарият за образованє, предписаня, управу и национални меншини – национални заєднїци
• Наменка уплацованя: Надополнєнє трошкох за покладанє испиту за секретара

Покладанє фахового испиту ше орґанизує през цали рок, пред комисию хтору формує покраїнски секретар за образованє, предписаня, управу и национални меншини – национални заєднїци.

Фахови испит ше состої з часци у писаней форми и усней часци.
Часц испиту у писаней форми облапя теми з дїлокругу роботох хтори окончує секретар установи. Виробок часци у писаней форми тирва два годзини и кандидат може хасновац предписаня.
Усна часц испиту облапя шейсц обласци: уставне ушоренє; систему державней управи; управни поступок и управни спор; предписаня з обласци образованя и воспитаня; роботне законодавство и канцеларийне дїлованє.
Обвисценє о заказаним покладаню фахового испиту ше доручує приявеному кандидатови прейґ установи хтора поднєсла прияву, найпознєйше 30 днї пред покладаньом испиту.

Кандидатови хтори положи фахови испит ше видава уверенє о положеним фаховим испиту.

Правилнїк о покладаню фахового испиту за секретара установи образованя и воспитаня („Сл. Глашнїк РС”, число 8/2011)

Службени евиденциї

Шицки додатни информациї можеце достац од Мариї Сурдучан ‒ секретарки комисиї
(канцелария III/19, телефон: 021/487-45-66).

Шицки меновнїки хтори у тим тексту похасновани у хлопским роду, а маю и женски род, подрозумюю источашнє и тоти исти меновнїки у женском роду.

11.04.2017