Почал єшеньски циклус оспособйованя талантованих школярох на Андревлю
Єшеньски циклус оспособйованя талантованих школярох зоз териториї АП Войводини за 2024. рок почал 7. октобра 2024. року у Центре за привредно-технолоґийни розвой „Цептор” на Андревлю. Оспособйованє ше, як и по тераз, реализує у сотруднїцтве зоз Покраїнским секретариятом за високе образованє и наукововиглєдовацку дїялносц.
Першого тижня проєкту, госци Андревля буду школяре 7. и 8. класи основних школох: „Вук Караджич“ зоз Червинки, „Никола Дюркович“ зоз Фекетичу, „Браца Ґрулович“ зоз Бешки и „Моша Пияде“ зоз Дебелячи.
Школярох, у мено домашнього – Покраїнского секретарияту за образованє, преписаня, управу и национални меншини – национални заєднїци, привитала помоцнїца покраїнского секретара за образованє, Тат’яна Велькович, жадаюци им приємне пребуванє, прилапйованє и черанку нових знаньох, и здобуванє нових приятельствох.
Под час єшеньского циклусу, школяре зоз вкупно 15 основних школох буду участвовац у рижних активносцох з обласци природних и дружтвених наукох, уметносци и култури. Програма будзе тирвац штири тижнї, по 2. новембер.
