Медзинародни дзень людских правох ‒ сообщенє
Медзинародни дзень людских правох ше означує у швеце 10. децембра – як здогадованє на датум кед 1948. року Ґенерална скупштина Зєдинєних нацийох прилапела Универзалну декларацию о людских правох. Декларация преглашує же ше шицки людзе народзую шлєбодни и ровноправни у достоїнстве и правох хтори припадаю шицким, без огляду на расу, фарбу скори, пол, язик, виросповиданє, политичне або друге прешвеченє, националне або дружтвене походзенє, маєток або даяку другу прикмету.
Седемдзешат роки после прилапйованя Универзалней декларациї о людских правох, 2018. року, на инициятиву Покраїнскей влади, Скупштина АП Войводини установела 10. децембер як датум од покраїнскей значносци. З тим покраїна додатно наглашела значносц того дня зоз чиїм ше шветочним означованьом визначую вредносци етнїчно, язично, културално и конфесионално богатей Войводини у хторей ше заєднїцтво будовало и вибудовало праве на розличносцох шицких заєднїцох хтори жию у нєй.
Почитованє людских правох треба щициц и змоцньовац у каждим моменту, на каждим месце, у каждей нагоди. Обовязка и одвичательносц шицких у Автономней покраїни Войводини и Републики Сербиї же би ше и далєй предлужело зоз справованьом и дїлованьом зоз хторим ше потримує єднакосц, ровноправносц и достоїнство, же би ше шицким гражданом обезпечело сиґурносц, защиту и мирне хаснованє їх людских правох.
Зоз свидомосцу о тей одвичательносци и зоз прешвеченьом же и далєй будземе пестовац и розвивац дух заєднїцтва, розличносци, ровноправносци, єднакосци, винчуєме шицким Медзинародни дзень людских правох.
Покраїнски секретар,
Роберт Отот