media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Дїлокруг роботи Секретарияту

Дїлокруг роботи Покраїнского секретарияту за образованє, предписаня, управу и национални меншини – национални заєднїци утвердзени зоз членом 37. Покраїнскей скупштинскей одлуки о покраїнскей управи („Службени новини АПВ“, число 37/14, 54/14 – др. одлука и 37/16, 29/17 и 24/19).

Покраїнски секретарият за образованє, предписаня, управу и национални меншини – национални заєднїци, у складзе зоз законом и Статутом, окончує роботи покраїнскей управи у обласци предшколского, основного и штреднього образованя и воспитаня, школярского стандарду, нєформалного образованя одроснутих и образованя националних меншинох – националних заєднїцох, хтори ше одноша на пририхтованє актох за Скупштину або Покраїнску владу, а з якима ше: ушорює питаня од покраїнскей значносци у обласци предшколского, основного и штреднього образованя и воспитаня; снує установи предшколского, основного и штреднього образованя и воспитаня на териториї АП Войводини и окончує сновательни права над нїма; ушорює питаня од покраїнскей значносци у обласци школярского стандарду; утвердзує способ и поступок розподзельованя местох у домох; блїжей ушорює питаня од покраїнскей значносци у поглядзе орґанизованого и институционалного образованя вонка зоз школскей системи пре фахове оспособйованє и обучованє одроснутих на териториї АП Войводини; ушорює питаня од покраїнскей значносци у обезпечованю витворйованя права на образованє на мацеринским язику припаднїкох националних меншинох – националних заєднїцох на териториї АП Войводини, на уровню предшколского, основного и штреднього образованя и воспитаня.

Покраїнски секретарият за образованє, предписаня, управу и национални меншини – национални заєднїци окончує вивершни, фахово и розвойни роботи покраїнскей управи и окончує надпатрунок у запровадзованю предписаньох зоз пасуса 1. того члена. У обласци образованя, провадзи, надпатра и помага роботу установох на териториї АП Войводини.

Покраїнски секретарият за образованє, предписаня, управу и национални меншини – национални заєднїци, у обласци предшколского, основного и штреднього образованя и воспитаня: сотрудзує з министерством цо компетентне за роботи образованя у поступку формованя школскей управи; споразумно з компетентним министром одобрує учебнїки и наставни средства за дзепоєдни предмети од интереса за национални меншини – национални заєднїци; споразумно з компетентним министром приноши наставни плани и програми зоз дзепоєдних предметох од интереса за национални меншини – национални заєднїци и утвердзує условия и способ орґанизованя настави на язикох националних меншинох – националних заєднїцох; одобрує учебнїки и наставни средства за язики националних меншинох – националних заєднїцох; дава думанє у поступку приношеня наставних планох и програмох и приноши наставни програми за язики националних меншинох – националних заєднїцох.

Покраїнски секретарият за образованє, предписаня, управу и национални меншини – национални заєднїци, у обласци предшколского, основного и штреднього образованя и воспитаня и школярского стандарду, у складзе зоз законом, окончує роботи державней управи, яки зоз законом зверени орґаном АП Войводини.

Покраїнски секретарият за образованє, предписаня, управу и национални меншини – национални заєднїци, у складзе зоз законом, окончує роботи покраїнскей управи хтори ше одноша на пририхтованє актох за Скупштину або Покраїнску владу, а з якима ше: ушорює орґанизацию и роботу покраїнскей управи; блїжей ушорює змист и випатрунок печацох орґанох АП Войводини, орґанох єдинкох локалней самоуправи и маюцих явних овласценьох хтори маю шедзиско на териториї АП Войводини; доприноши розвою интеркултурализма, афирмациї мултикултурализма, толеранциї и соживота националних меншинох – националних заєднїцох хтори жию на териториї АП Войводини; стара ше о витворйованю правох у обласци людских правох и правох припаднїкох националних меншинох – националних заєднїцох и утвердзує додатни права припаднїкох националних меншинох – националних заєднїцох; обезпечує средства за финансованє, односно софинансованє националних совитох националних меншинох, здруженьох и орґанизацийох националних меншинох – националних заєднїцох, як и о унапредзеню витворйованя правох припаднїкох националних меншинох – националних заєднїцох зоз териториї АП Войводини; ушорює хаснованє назви АП Войводини у назви здруженьох; ушорює и запровадзує преверйованє знаня язикох хтори ше хаснує у роботи орґанох и орґанизацийох покраїнскей управи. Покраїнски секретарият за образованє, предписаня, управу и национални меншини – национални заєднїци пририхтує и тоти акти чийо пририхтованє нє у дїлокругу других покраїнских орґанох управи.

Покраїнски секретарият за образованє, предписаня, управу и национални меншини – национални заєднїци окончує вивершни, фахово и розвойни роботи покраїнскей управи и окончує надпатрунок у запровадзованю предписаньох зоз пасуса 5. того члена.

Покраїнски секретарият за образованє, предписаня, управу и национални меншини – национални заєднїци провадзи усоглашеносц предписаньох и общих актох у правней системи у поступку їх приношеня и стара се о їх нормативно-технїчней и язичней правилносци (лекторованє).

Покраїнски секретарият за образованє, предписаня, управу и национални меншини – национални заєднїци видаватель "Службених новинох Автономней Покраїни Войводини" и стара ше о обявйованю предписаньох и других актох Скупштини, Покраїнскей влади, покраїнских орґанох управи и других орґанох и орґанизацийох.

Покраїнски секретарият за образованє, предписаня, управу и национални меншини – национални заєднїци, у складзе зоз потребами покраїнских и других орґанох, обезпечує прекладанє у писаней форми и усне прекладанє зоз сербского язика на язики националних меншинох – националних заєднїцох и обратно, як и прекладанє зоз других язикох на сербски язик и обратно.

Покраїнски секретарият за образованє, предписаня, управу и национални меншини – национални заєднїци провадзи, аналитично спатра стан у обласци защити и витворйованя людских правох и правох националних меншинох – националних заєднїцох и предклада поднїманє мирох у тей обласци.

Покраїнски секретарият за образованє, предписаня, управу и национални меншини – национални заєднїци у обласци службеного хаснованя язикох и писмох, правосудного испиту, державного фахового испиту, судских толмачох, експроприяциї и печацох, у складзе зоз законом, окончує роботи державней управи, яки зоз законом зверени орґаном АП Войводини.

Покраїнски секретарият за образованє, предписаня, управу и национални меншини – национални заєднїци пририхтує акти за Скупштину и Покраїнску владу у обласцох зоз свойого дїлокругу, кед вон за таке овласцени з окремним предписаньом.

Покраїнски секретарият за образованє, предписаня, управу и национални меншини – национални заєднїци окончує и други роботи кед му тото зоз законом, покраїнску скупштинску одлуку або другим предписаньом зверене.

28.11.2019