Судски толмаче
Евиденцию стаємних судских прекладательох и толмачох ше водзи у Покраїнским секретарияту на основи члена 9. Правилнїка о стаємних судских толмачох («Службени глашнїк РС», число 35/10, 80/16 и 7/17), а у вязи зоз членом 79. Закона о утвердзованю компетенцийох Автономней покраїни Войводини («Службени глашнїк РС», число 99/09, 67/12 – Одлука УС РС число IУз-353/09).
Зоз евиденцию облапени судски прекладателє и толмаче хтори поставени за територию АП Войводини и вона облапя порядкове число, презвиско, мено єдного родителя и мено прекладателя, занїманє, адресу и число телефона, число и датум Ришеня о поставеню, язик за хтори є поставени, датум и место даваня пришаги, число и датум Ришеня о розрешеню прекладателя и надпомнуце.
Евиденция стаємних судских прекладательох и толмачох поставена на интернет-презентацию Покраїнского секретарияту и можеце ю опатриц ту.
О пременки податкох о яких ше водзи евиденцию, судски толмаче и прекладателє длужни информовац Секретарият у чаше осем дньох по наставаню пременки, з подношеньом доказох о уплацованю републичней административней такси и вимаганя за вименку податкох. Преузми
У складзе зоз Законом о републичних административних таксох, тарифне число 25, кандидат длужен при подношеню вимаганя за упис/вименку податкох до Реґистру стаємних судских толмачох уплациц таксу у суми 1.050,00 динари.
Секретарият видава уверенє о податкох о яких ше водзи службену евиденцию.
Увереня ше видава на основи вимаганя хторе ма облапяц:
- мено и презвиско,
- адресу,
- контакт телефон,
- число и датум видаваня Ришеня з яким особа поставена за судского прекладателя/толмача.
Ґу вимаганю потребне доручиц доказ о уплаценей републичней административней такси у суми 800,00 динари (по тарифних числох 1. и 11. важацей Тарифи републичних административних таксох).
Републични административни такси ше уплацує на рахунок буджету Републики Сербиї, число: 840-742221843-57, модел 97, поволанка на число 7122309427.
Контакт особох цо одвичательни за водзенє евиденциї:
Йованa Митрович
тел.: 021/487-45-52
e-mail: jovana.mitrovic@vojvodina.gov.rs
Слободанкa Станкович
тел.: 021/487-42-26
e-mail: slobodanka.stankovic@vojvodina.gov.rs