media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Державни фахови испит у орґанох управи на териториї АП Войводини

Покраїнски секретарият за образованє, предписаня, управу и национални меншини – национални заєднїци орґанизує и запровадзує покладанє державного фахового испиту за занятих у орґанох управи на териториї АП Войводини.

Обовязку покладац державни фахови испит, сходно Уредби о програми и способе покладаня державного фахового испиту („Сл. Глашнїк РС”, число 16/2009, 84/2014, 81/2016, 76/2017 и 60/2018) маю особи хтори заняти у министерствох, орґанох управи у составе министерствох, окремних орґанизацийох, судох, явних тужительствох, Републичним явним правобранїтельстве, службох Народней скупштини Републики Сербиї, предсидателя Републики Сербиї, Влади Републики Сербиї, Уставного суду, службох орґанох чиїх членох вибера Народна скупштина Републики Сербиї, як и фахових службох управних округох. Тиж, одредби тей уредби ше применює и на маюцих явних овласценьох хтори окончую зверени роботи державней управи, як и на орґани автономних покраїнох, општинох, городох и городу Беоґрад – у їх дїлокругу.

Особи хтори обовязни покладац державни фахови испит тоти:
- державни службенїки зоз заснованим роботним одношеньом на нєодредзени час, односно тоти хтори на пробней роботи;
- державни службенїки зоз положеним державним фаховим испитом по програми за штреднє образованє хтори под час роботи здобули висши ступень образованя;
- приправнїки.

Державни фахови испит можу покладац и особи хтори заинтересовани робиц на роботох за чийо окончованє потребни положени державни фахови испит, кед маю найменєй єден рок роботного искуства у фаху о чим, ґу вимаганю за покладанє державного фахового испиту, прикладаю доказ.

Державни фахови испит за кандидатох з високим образованьом облапя шлїдуюци испитни предмети:
- Основи системи державней управи;
- Уставне ушоренє;
- Основи системи Европскей униї;
- Роботне законодавство;
- Управни поступок, зоз елементами канцеларийного дїлованя и управни спор;

Програма державного фахового испиту за державних службенїкох з високим образованьом

Державни фахови испит за кандидатох зоз штреднїм образованьом облапя шлїдуюци испитни предмети:
- Основи системи державней управи и уставного ушореня;
- Основи системи Европскей униї;
- Основи системи роботних одношеньох и роботни одношеня у орґанох державней управи;
- Управни поступок, зоз елементами канцеларийного дїлованя;

Програма державного фахового испиту за державних службенїкох зоз штреднїм образованьом

Покраїнски секретар формовал испитни комисиї за покладанє державного фахового испиту за державних службенїкох з високим и штреднїм образованьом.

Вимаганє за покладанє державного фахового испиту ше подноши Покраїнскому секретарияту за образованє, предписаня, управу и национални меншини – национални заєднїци, Булевар Михайла Пупина число 16, 21000 Нови Сад.

Вимаганє подноши орґан державней управи, односно други орґан або орґанизация у хторей кандидат заняти, а може го поднєсц и сам кандидат. Покраїнски секретар за образованє, предписаня, управу и национални меншини – национални заєднїци з ришеньом одлучує о вимаганю за покладанє испиту. Кандидата ше обвисцує о датуме, месце, чаше и висини надополнєня за покладанє испиту, найпознєйше 30 днї пред початком испиту.

Испити ше орґанизує вецей раз у мешацу, през цали рок, окрем у авґусту.

Кандидатови хтори положел испит ше видава уверенє о положеним державним фаховим испиту хторе ‒ на вимаганє кандидата ‒ може буц и двоязичне. Двоязичне уверенє ше виписує на сербским язику и на єдним з язикох меншинских националних заєднїцох хтори ше службено хаснує у орґанох управи АП Войводини (мадярски, словацки, горватски, румунски и руски язик).

Шицки информациї у вязи зоз фаховима испитима можеце достац од
Анкици Юкич-Мандич - секретарки испитних комисийох
(канцелария I/68; число телефона: 021/4874213)
Елвири Штрбац – секретарки испитних комисийох
(канцелария: I/68; число телефона: 021/487-4460).

Формулар вимаганя за покладанє державного фахового испиту ‒ Превежнї
Приклад Потвердзеня о здобутим роботним искустве у фаху Превежнї

Документи хтори особи подноша при приявйованю державного фахового испиту:
• Державни службенїки - документи хтори наведзени под 1, 2, 3. и 4. (член 3. Уредби).
• Особи хтори заняти у орґанох локалней самоуправи - документи хтори наведзени под 1, 2, 3. и 4. (сходне применьованє члена 2. Уредби).
• Особи хтори поднєсли прияву на явни конкурс за пополньованє положеня, односно поставенє - документи хтори наведзени под 3, 4. и 5. (член 7. Уредби).
• Особи хтори заинтересовани за роботу у орґанох державней управи – документи хторинаведзени под 1., 2. и 7. (член 8. Уредби).
• Особи хтори под час роботи здобули висши ступень образованя (член 4. Уредби):
доручую документи хтори наведзени под 3, 4, фотокопию увереня о положеним державним фаховим испиту зоз штредню приготовку як и допис орґана о намири премесцованя особи на роботи зоз новоздобутим ступньом образованя.

Материяли за пририхтованє:
Испитни питаня за кандидатох з високим образованьом Превежнї
Испитни питаня за кандидатох зоз штреднїм образованьом Превежнї
НОВЕ! Приручнїк за покладанє Державного фахового испиту 2019 – дзешате вименєне и дополнєне виданє Превежнї

Предписаня з якима реґуловани державни фахови испит:

Уредба о програми и способе покладаня державного фахового испиту („Службени глашнїк РС“, число 16/09, 84/14, 81/16, 76/17 и 60/2018).
Закон о державней управи („Службени глашнїк РС“, число 79/2005, 101/2007, 95/2010, 99/2014, 47/2018 и 30/2018 – др. Закон)
Закон о державних службенїкох („Службени глашнїк РС”, число 79/05, 81/05, 64/05, 64/07, 67/07, 116/08 104/09 и 99/14) член 100-102.
Закон о утвердзованю компетенцийох Автономней Покраїни Войводини („Службени глашнїк РС”, число 99/09, 67/12 - Одлука УС РС число Iуз-353/2009).
Закон о занятих у автономних покраїнох и єдинкох локалней самоуправи („Службени глашнїк РС“, число 21/2016)Превежнї

Службени евиденциї

Шицки меновнїки хтори у тим тексту похасновани у хлопским роду, а маю и женски род, подрозумюю источашнє и тоти исти меновнїки у женском роду.

30.05.2019