media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Службенїки на положеню


Žolt Sakalaš


Жолт Сакалаш, подсекретар

Народзени є 1984. року у Новим Садзе. До ґимназиї „Светозар Маркович” у Новим Садзе ходзел на мадярским язику. Студирал на Правним факултету Универзитету у Новим Садзе.


Под час студийох и по законченю студийох ше усовершовал на факултетох у Нємецкей (Campus Europae) и у Мадярскей. Року 2008. здобул званє дипломованого правнїка, а 2010. закончел мастер студиї и постал добитнїк Винїмковей награди за витворени успих под час студийох Универзитету у Новим Садзе. Стипендиста Бундестаґу (ИПС) постал 2011. року. Роботне искуство здобувал у Општинским суду у Новим Садзе, у свойстве судийского приправнїка – волонтера, а потим од 2009. року – з кратшима павзами – у покраїнскей администрациї. Закончел Дипломатску академию при Министерстве вонкашнїх дїлох Републики Сербиї. Окрем мацеринского мадярского язика и сербского язика, чечно бешедує анґлийски и нємецки язик, а служи ше и зоз французким язиком.




Biljana Kašerić


Биляна Кашерич, о.д. пoмоцнїка покраїнского секретара за образованє

Народзена є 1964. року у Приєполю, дзе у Образовним центре „Бранко Радичевич”, на математичним напряме, здобула званє математично-технїчни сотруднїк.


Дипломовала на Природно-математичним факултету у Новим Садзе, фахова назва – професор физики. Ма положени испит ‒ лиценцу за наставнїка и положени испит за роботу у державних орґанох.
Була наставнїца физики у Основней школи „Йован Попович” у Новим Садзе, дзе од 2007. по 2010. рок була и помоцнїца директора. Од 2010. року робела як просвитна инспекторка у Городскей управи за образованє у Новим Садзе. Служи ше русийским и анґлийским язиком. Жиє у Новим Садзе.




Slađana Jovetić


Сладяна Йоветич, о.д. пoмоцнїка покраїнского секретара за управу

Народзена є 1968. року у Бачкей Тополї. Дипломована є правнїца.
Од 1996. року є занята у орґанох управи АП Войводини, на рижних управних роботох. У периодзе од 2001. по 2016. рок, окончовала роботи секретарки Испитней комисиї за покладанє державного фахового испиту, секретарки Испитного одбору за покладанє правосудного испиту, як и секретарки Испитней комисиї за покладанє испитох за лиценцу наставнїкох, воспитачох и фахових сотруднїкох.




Tijana Pavlov
Тияна Павлов, о.д. пoмоцнїка покраїнского секретара за предписаня

Народзена є у Новим Садзе, 18.04.1973. року. Закончела основну школу у Петроварадину, Карловацку ґимназию у Сримских Карловцох и дипломовала 2001. року на Правним факултету у Новим Садзе. Исти рок почала робиц у Секретарияту за урбанизем, квартельни роботи и защиту животного штредку Городу Нового Саду, а од юлия 2005. року

є занята у Городскей управи за комунални роботи Городу Нового Саду, як самостойни фахови сотруднїк на роботох забераня явних поверхносцох. Рок познєйше, поставена є на место шефа оддїлу за заберанє явних поверхносцох. Од 2007. року є поставена за началнїка Городскей управи за културу Городу Нового Саду. Од 2011. року, поставена є за началнїка Городскей управи за урбанизем и квартельни роботи Городу Нового Саду, а у 2012. року окончовала функцию члена Городскей ради Городу Нового Саду хтори задлужени за управу и предписаня и була занята у ЯП «Дїловни простор» у Новим Садзе. Од 01.12.2012. року окончує функцию помоцнїка Покраїнского секретара за образованє, управу и предписаня.
Одата є и мац є єдного дзецка.



Livia Korponai
Ливиа Корпонаи, о.д. пoмоцнїка покраїнского секретара за финансиї

Народзена є 1983. року у Сенти. Економску штредню школу закончела у Бечею. Дипломовала 2007. року на Економским факултету у Суботици, на напряме Финансиї и рахунководство. Дипломски академски ‒ мастер студиї на студийней програми Рахунководство и ревизия, закончела 2009. року на истим факултету. По законченю студийох, седем роки робела у приватним секторе. Бешедує анґлийски язик. Жиє у Бачким Петровим Селу.



Milinka Hrćan

Милинка Хрчан, о.д. пoмоцнїка покраїнского секретара за национални меншини – национални заєднїци

Народзена є 1978. року у Новим Садзе. До основней школи ходзела на словацким язику у Кисачу, а до штреднєй Технїчней школи „Йован Вуканович” у Новим Садзе. Дипломовала на Драмским и бабкарским факултету Академиї уметносцох у Братислави 2001 року.

Абсолвовала курси з Основи новинарства за медиї у писаней форми, ТВ и Радио „Журшкола”, у орґанизациї Националного совиту словацкей националней меншини, видавательней хижи „Глас люду” и Редакциї на словацким язику Радио-телевизиї Нови Сад. Була волонтер у Явним медийним сервису ТВ Войводина, робела у Радию Кисач, а вец у Радиодифузней установи Радия Нови Сад у Словацкей редакциї. Активна є у обласци театралней творчосци и културних манифестацийох. Жиє у Кисачу. Одата є и мац двоїх дзецох.


02.08.2017