media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Покладанє испиту за лиценцу за директора установи образованя и воспитаня

Покраїнски секретарият за образованє, предписаня, управу и национални меншини – национални заєднїци орґанизує покладанє испиту за лиценцу за директора установи образованя и воспитаня.
Испит за лиценцу за директора установи образованя и воспитаня ше поклада у складзе зоз Правилнїком о програми оспособйованя и покладаня испиту за лиценцу за директора установи образованя и воспитаня («Службени глашнїк РС», число 63/18).
Кандидат подноши Покраїнскому секретарияту за образованє, предписаня, управу и национални меншини – национални заєднїци вимаганє за покладанє испиту за лиценцу за директора установи образованя и воспитаня Превежнї
Ґу вимаганю ше доручи и шлїдуюцу документацию:
1. потвердзенє о роботно-правним статусу;
2. копию потвердзеня о звладаней програми оспособйованя за директора яку видава овласцена школска управа;
3. звит о запровадзеним виглєдованю хторе облапя ключни резултати виглєдованя и препорученя за унапредзованє образовно-воспитней, односно воспитно-образовней пракси у друкованей форми и на компакт диску;
4. доказ о уплацених трошкох за покладанє испиту за лиценцу.

Вимаганє за покладанє испиту за лиценцу зоз провадзацу документацию можеце послац на адресу:
Република Сербия; Автономна Покраїна Войводина; Покраїнски секретарият за образованє, предписаня, управу и национални меншини – национални заєднїци; 21000 Нови Сад; Булевар Михайла Пупина число 16 – з назначеньом: За покладанє испиту за лиценцу директора
Обвисценє о покладаню испиту, за кандидатох хтори виполнюю условия за покладанє испиту за лиценцу за директора, ше доручує найпознєйше 15 днї пред дньом хтори одредзени за покладанє испиту.
Кандидат на покладанє испиту за лиценцу за директора приноши портфолио у друкованей форми, а на испиту усно арґументує виглєдовацки звит, презентує резултати виглєдованя и змист портфолия.
Испит за лиценцу облапя:
1) приказ виглєдованя образовно-воспитней, односно воспитно-образовней пракси, ключних резултатох виглєдованя и препорученьох за унапредзенє образовно-воспитней, односно воспитно-образовней пракси;
2) преверйованє ступня звладаних стандардох компетецийох за директора;
3) приказ змисту портфолия кандидата хтори облапя докази о посцигнутих резултатох и предходним професийним искуству.

Комисия на испиту оценює квалитет виглєдовацкого звиту; окончує преверйованє ступня звладаних стандардох компетенцийох за директора и способу запровадзованя резултатох виглєдованя и датих препорученьох за унапредзенє образовно-воспитней, односно воспитно-образовней пракси и дава оцену квалитету портфолия за директора.
Кед кандидат онєможлївени приступиц покладаню испиту за лиценцу о тим обвисцує Покраїнски секретарият найпознєйше 24 годзини пред початком испиту. Докази о оправданосци нєприступаню на испит мож доручиц и познєйше, а найпознєйше седем днї як заказани испит.
Трошки за покладанє испиту за лиценцу зноши установа у хторей кандидат окончує роботи директора, а кандидат хтори нє окончує роботи директора – сам зноши трошки за покладанє испиту за директора.
Трошки за поправни испит и повторене покладанє испиту у цалосци зноши сам кандидат.

Трошки за покладанє испиту за лиценцу у суми 15.000,00 динари (за повторене покладанє: єдней часци испиту – 10.000,00; два часци испиту – 12.000,00; цали испит – 15.000,00) ше уплацує на шлїдуюци способ:
• жиро рахунок число: 840-1572845-61;
• модел и поволанка на число: 97 900942774233162;
• Приматель: Буджет АП Войводини, Покраїнски секретарият за образованє, предписаня, управу и национални меншини – национални заєднїци;
• наменка уплацованя: Надополнєнє трошкох за покладанє испиту за лиценцу директорох.

Правилнїк о програми оспособйованя и покладаню испиту за лиценцу за директора установи образованя и воспитаня(«Службени глашнїк РС», число 63/18) Превежнї

За шицки додатни информациї ше можеце явиц Слободанки Станкович Давидов – контакт за орґанизацию испитох за лиценци за директорох (канцелария I/68, телефон: 021/487-42-26); slobodanka.stankovic@vojvodina.gov.rs

29.10.2018