media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Функционере

Покраїнски секретар член Покраїнскей влади хтори задлужени за руководзенє зоз покраїнским секретариятом. Покраїнски секретар за образованє, предписаня, управу и национални меншини – национални заєднїци ма заменїка, подсекретара и пейцох помоцнїкох секретара.

Zolt Sakalas
Жолт Сакалаш, подпредсидатель Покраїнскей влади и покраїнски секретар за образованє, предписаня, управу и национални меншини – национални заєднїци

Жолт Сакалаш народзени 1984. року у Новим Садзе. Ґимназию „Светозар Маркович” закончел на мадярским язику у родним городзе, дзе закончел и Правни факултет.

Под час студийох и по їх законченю усовершовал ше на факултетох у Нємецкей (Campus Europae) и у Мадярскей. Званє дипломованого правнїка здобул 2008. року, а 2010. закончел мастер студиї и бул добитнїк Окремней награди за витворени успих под час студираня на Универзитету у Новим Садзе. За стипендисту Бундестаґу (ИПС) є вибрани 2011. року.

Роботне искуство здобувал у Општинским суду у Новим Садзе, у свойстве судийного приправнїка – волонтера, а потим од 2009. року, з кратшима павзами, у покраїнскей администрациї. Од 2016. року є подсекретар Покраїнского секретарияту за образованє, предписаня, управу и национални меншини – национални заєднїци. Закончел и Дипломатичну академию при Министерстве вонкашнїх дїлох Републики Сербиї и положел правосудни испит.

Член є Союзу войводянских Мадярох.

Коло мацеринского – мадярского язика и сербского, чечно бешедує по анґлийски и нємецки, а служи ше и зоз французким язиком.

Оженєти є.




Milan Kovačević


Милан Ковачевич, заменїк покраїнского секретара за образованє, предписаня, управу и национални меншини – национални заєднїци

Народзени є 1962. року у Руми. Високе образованє здобул на Учительским факултету у Зомборе.


Робел у ОШ „ 11. новембер” у Сенти по 1985. рок, а вец у ОШ „Б. П. Пинки” у Сримскей Митровици, дзе бул и директор школи. По виходзеню мандата, прешол до Министерства просвити дзе бул школски надзорнїк. После того бул предсидатель Скупштини општини Сримска Митровица и народни посланїк Скупштини Републики Сербиї у двох мандатох.
Ма лиценцу за безпечносц, защиту и здравє на роботи.
Служи ше з русийским язиком. Ма двойо дзеци.


02.11.2020